گولا کباب


news-1436259777-9987_large

گولا کباب
تہوار مختلف قوموں کی تہذیب و معاشرت کے آئینہ دار ہوتے ہیں۔ اسلام کے دو تہوار ہیں ایک کا نام عید الفطر ہے اور دوسرے کا نام عیدالاضحٰی ۔ عید الفطر کی آمد آمد ہے اور یہ تہوار شکر, احسان اور خوشی کا دن ہے۔عید کے خوشیوں بھرے تہوار کے موقع پر ہر گھر میں خواتین مختلف قسم کے میٹھے اور نمکین پکوانوں کا خصوصی اہتمام کرتی ہیں،اور اپنے گھر والوں اور گھر آنے والوں مہمانوں کی تواضع انہی لذیذ پکوانوں سے کرتی ہیں۔ عید الفطر کے موقع پر اپنے گھر والوں،رشتہ داروں اور احباب کی تواضع کھیر ، شیرخرمہ، سویاں اور دوسرے لذیذ اور ذائقہ دار پکوانوں کے علاوہ گرما گرم اور لذیذ گولا کبابوں سے کیجیئے گا جو کہ کراچی میں بے حد مقبول ہیں۔

000019869_gola-kabab

گولا کباب بنانے میں آسان اور خوش ذائقہ ہوتے ہیں۔

 

cam02029

indexzz

Gola_Kabab_1

اجزاء:
قیمہ آدھا کلو
کالی مرچ پاؤڈر ایک چائے کا چمچ
پپیتا ایک کھانے کا چمچ کچا

ادرک و لہسن کا پیسٹ ایک کھانے کا چمچ

پسی ہوئی لال مرچ ایک چائے کا چمچ

نمک ایک چائے کا چمچ یا حسب ذائقہ

ہری مرچ تین عدد

ہرا دھنیا دو کھانے کے چمچ

ثابت دہنیا ایک چائے کا چمچ

پیاز ایک عدد (پسا ہوا)

گھی دو کھانے کے چمچ

جائفل ایک چوتھائی چائے کا چمچ

جاوتری ایک چوتھائی چائے کا چمچ

ثابت زیرہ آدہا چائے کا چمچ

کالا زیرہ آدہا چائے کا چمچ

images
ترکیب:
پہلے قیمے کو چوپر میں کچا پپیتا، ادرک لہسن کا پیسٹ، لال مرچ، نمک، کالا زیرہ و سفید زیرہ ، ثابت دہنیا و کالی مرچ ،ہری مرچ، ہرا دھنیا، پیاز ، گھی، جائفل، جاوتری اور ہری الائچی ڈال کر اچھی طرح چوپ کر لیں، یہاں تک کہ وہ اچھی طرح مل یا مکس ہو جائے ۔اب قیمے کو ایک گھنٹے کے لیے فریج میں رکھ دیں۔ اس کے بالز بنا کر سیخوں پر لگاتے جائیں۔ انگلیوں سے مکسچر کو اچھی طرح دبا دیں۔ اب کباب کوئلے پر سینک لیں۔ تیار کبابوں کو سلاد اور پو دینہ کی چٹنی کے ساتھ کھانے کے لئے پیش کریں۔ آپ گولا کبابوں کو فرائی کر کے یا بیک کر کے بھی بنا سکتے ہیں۔

Advertisements