حمزہ بن لادن کی ہلاکت


حمزہ بن لادن کی ہلاکت

القاعدہ پاکستا ن اور افغانستان میں کافی حد تک ،اسامہ بن لادن کی  ایبٹ ٓآباد ہلاکت کے بعد کمزور ہوگئی ہے۔ حمزہ بن لادن کی ہلاکت سے القائدہ کی ریڑہ کی ہڈی ٹوٹ گئی  ہے، اسامہ کے ہلاک کئے جانے پر القائدہ ٹوٹ پھوٹ کا شکار ہوگئی تھی مگر اب اس کا خاتمہ یقینی  ہو گیا ہے۔

حالات گواہی دے رہے ہیں کہ پاکستان  و افغانستان کا علاقہ اب القائدہ کے لئے محفوظ نہ رہا ہے کیونکہ القاعدہ کے بے شمار لوگ یہاں مارے جا چکے ہیں یا گرفتار ہوچکے ہیں۔

 القائدہ ایک  مجرمانہ سرگرمیوں میں ملوث گروہ ہے،جس کا اسلام سے دور کا واسطہ نہ ہے اور اسامہ ان مجرموں کا سردار تھا۔ اسامہ اور اس کی تنظیم القائدہ کے اسلام اور اسلامی امہ کے خلاف جرائم کی فہرست بڑی طویل ہے ۔ القائدہ  کے ہاتھ بے گناہوں کے خون سے رنگے ہیں اور القائدہ کی حماقتوں کی وجہ سے اسلام اور مسلمانوں کو ناقابل تلافی نقصان اٹھانا پڑا ہے۔