فلوجہ کے قریب شادی کی تقریب میں خودکش حملہ، 40باراتی جاں بحق ، 60زخمی
عراقی دارالحکومت بغداد کے قریب شادی کی تقریب میں خودکش حملہ کیا گیا جس کے نتیجے میں چالیس افراد جاں بحق اور 60سے زائد زخمی ہو گئے۔
تفصیلات کے مطابق عراق کے شہر فلوجہ کے قصبے میں ہونے والی شادی کی تقریب میں دہشت گرد تنظیم کے خودکش حملہ آور نے خود کو دھماکے سے اڑا دیا جس کے نتیجے میں 40افراد ہلاک اور 60سے زائد زخمی ہوگئے۔
شاہ نورانی کے مزار میں خودکش دھماکا،62 افراد ہلاک،100سے زائد زخمی
حب کے قریب درگاہ شاہ نورانی میں خود کش دھماکے میں جاں بحق افراد کی تعداد 62 تک پہنچ گئی ہے، جب کہ حکام کی جانب سے ہلاکتوں میں اضافے کا خدشہ ظاہر کیا گیا ہے، خودکش دھماکے میں 100 سے زائد افراد زخمی ہوئے، جن میں زیادہ تعداد عورتوں اور بچوں کی ہے۔ہفتہ کو دھماکا مغرب کے وقت اس وقت ہوا جب درگاہ کے احاطے میں دھمال ڈالی جا رہی تھی،دھماکے سے افراتفری مچ گئی اور ہر طرف خون اور انسانی اعضاء بکھر گئے ۔ ہفتے اور اتوار کو چھٹی کے باعث درگاہ میں سندھ ،بلوچستان اور ملک کے دیگر علاقوں سے آنے والے 600 سے زائد زائرین موجود تھے۔پاکستانی صوبہ بلوچستان میں شاہ بلال نورانی کے مزار پر گزشتہ روز ہونے والے دھماکے کی ذمہ داری دہشت گرد تنظیم داعش نے قبول کر لی ہے۔
عراق میں خود کش حملے کے نتیجے میں 35 افراد ہلاک ، 65 زخمی
عراق کے شمالی شہر بلد میں واقع سید محمد بن علی الھادی کے مزار پر خودکش حملے میں کم از کم 35 افراد ہلاک ہو گئے ہیں جبکہ حملے کی ذمہ داری شدت پسند تنظیم داعش نے قبول کی ہے۔
طالبان کے قاتلانہ حملے میں معروف قوال امجد صابری میں جاں بحق
محبت اور امن کی آواز ہمیشہ کے لیے خاموش ہوگئی۔
گزشتہ روز تقریباً 3 بجے کے قریب کراچی کے علاقے لیاقت آباد 10 نمبرمیں قوال امجد فرید صابری کی گاڑی پر نامعلوم موٹرسائیکل سواروں نے فائرنگ کردی تھی جس کے نتیجے میں گاڑی میں سوار امجد صابری موقع پر جاں بحق جب کہ ان کے دیگر تین ساتھی اسپتال میں زخموں کی تاب نہ لاتے ہوئے چل بسے تھے۔ پولیس کے مطابق امجد صابری اپنی گاڑی خود چلا رہے تھے جن کے سینے اور سر میں گولیاں لگیں جو جان لیوا ثابت ہوئیں جب کہ جائے وقوعہ سے 5 خول قبضے میں لے لیے۔
صومالیہ کے دارالحکومت موغادیشو میں ہوٹل پر خودکش کار بم حملے اور فائرنگ سے 2ارکان پارلیمنٹ سمیت 15افراد ہلاک اور 20سے زائد زخمی ہوگئے ۔پولیس کے مطابق ایک خودکش حملہ آور نے دھماکا خیز مواد سے بھری کار کو پہلے موغادیشو کے ایمبسڈر ہوٹل کے گیٹ سے ٹکرایا جس کے بعد دیگر حملہ آورہوٹل میں داخل ہوگئے اور اندھادھند فائرنگ کردی ۔ جس کے نتیجے میں 15افراد ہلاک ہوگئے ۔ ہلاک افراد میں دو ارکان پارلیمنٹ بھی شامل ہیں ۔
بغداد میں چار دہماکے، 69 افراد ہلاک
عراق کے دارالحکومت بغداد میں حکام کا کہنا ہے کہ چار بم دھماکوں میں کم از کم 69 افراد ہلاک ہوئے ہیں۔ ان چار دھماکوں میں سے تین دھماکے شیعہ علاقوں میں جبکہ ایک دھماکہ اس علاقے میں ہوا ہے جہاں شیعہ اور سنی دونوں ہی رہائش پذیر ہیں۔ ان چار میں سے دو دھماکوں کی ذمہ داری اپنے آپ کو دولت اسلامیہ کہلانے والی شدت پسند تنظیم نے قبول کی ہے۔
عراق میں دو خود کش کار بم دھماکوں میں 33 افراد ہلاک
عراق کے جنوبی شہر سماوا میں دو خود کش کار بم دھماکوں میں 33 افراد ہلاک اور 50 سے زائد زخمی ہو گئے ہیں۔ عراق کے جنوبی شہر سماوہ کے حوالے سے قائم مثنیٰ ہیلتھ ڈپارٹمنٹ کے سینئر عہدیدار کا کہنا تھا کہ ‘ہسپتال میں 33 لاشیں لائی گئیں ہیں’۔مثنیٰ آپریشنز کمانڈ نے بم دھماکوں میں ہونے والی ہلاکتوں کی تصدیق کی ہے۔
افغانستان کے دارالحکومت کابل میں ہونے والے ایک خود کش حملے میں کم سے کم 28 افراد ہلاک اور تین سو سے زائد زخمی ہو گئے ہیں۔مرنے والوں میں اکثریت عام شہریوں کی ہے۔
برسلز کے ایئر پورٹ اور میٹرو سٹیشن پر دہشت گرد حملوں میں 34 معصوم و بے گناہ افراد ہلاک اور170 زخمی ہو گئے ہیں۔ دولت اسلامیہ نے برسلزحملوں کی ذمہ داری قبول کر لی ہے۔
تحصیل شبقدر کی کچہری کے مرکزی دروازے پر خودکش حملے میں دو پولیس اہلکاروں سمیت 16 افراد شہید اور کم ازکم 13 افراد زخمی ہوگئے ہیں ۔ ڈی پی او چارسدہ کے مطابق شہید پولیس اہلکار گیٹ پر ڈیوٹی دے رہے تھے اور اُنہوں نے خود کش حملہ آور کو روکنے کی کوشش کی تو اسی دوران اس نے خود کو دھماکے سے اڑا لیا ۔ ڈی ایس پی فیاض خان کے مطابق بیشتر زخمیوں کو ہسپتال منتقل کردیاگیا۔لوگوں کی بڑی تعداد مقدمات کی پیروی کے لئے عدالت میں موجود تھی۔ پولیس حکام کے حوالے سے بتایا ہے کہ ہلاک ہونے والے 16 افراد میں تین پولیس اہلکار، چھ خواتین، دو بچے اور پانچ مرد شامل ہیں۔