پاکستان میں دہشت گردی کا خطرہ ہے، سیکیورٹی الرٹ جاری
وفاقی حکومت نے چاروں صوبوں کو سیکیورٹی الرٹ جاری کردیا ہے اورانھیں سیکیورٹی انتظامات سخت کرنے کی ہدایت کی ہے۔ وفاقی وزارت داخلہ کی طرف سے چاروں صوبوں کو لکھے گئے خط میں بتایا گیا ہے کہ طالبان گرلزاسکولز کے علاوہ کالجوں اور یونیورسٹیز پرحملے کرسکتے ہیں اورملک بھرمیں حساس تنصیبات کو بھی نشانہ بناسکتے ہیں۔
وفاقی دارالحکومت اور جڑواں شہر راولپنڈی میں ممکنہ سکیورٹی خدشات کے بعد سکیورٹی ہائی الرٹ کر دی گئی ۔ڈان نیوزکے مطابق انٹیلی جنس اداروں نے اپنی رپورٹ میں اسلام آباد اور راولپنڈ ی میں اہم عمارتوں اور تعلیمی اداروں میں دہشت گردی کے واقعات کا خدشہ ظاہر کیا ہے جس کے بعد جڑواں شہروں کی سکیورٹی بڑھا کر ہائی الرٹ جاری کر دیا گیا ہے۔
افغانستان کے دارالحکومت کابل میں ہونے والے ایک خود کش حملے میں کم سے کم 28 افراد ہلاک اور تین سو سے زائد زخمی ہو گئے ہیں۔مرنے والوں میں اکثریت عام شہریوں کی ہے۔
دہشت گردی کے خاتمہ کا عزم
وزیراعظم ہاوس کے ایک اجلاس میں ملک میں جاری آپریشن ضرب عضب میں پیش رفت کا جائزہ لیا گیا۔ اجلاس میں سیاسی و عسکری قیادت نے ایک بار پھر دہشت گردی کو جڑ سے اکھاڑ پھینکنے کے عزم کا اعادہ کیا اور کہا کہ دہشت گردوں اور ان کے ساتھیوں کے ساتھ کسی قسم کی رعایت نہیں برتی جائے گی، ملک کو ہر حال میں امن کا گہوارہ بنائیں گے۔وزیراعظم نوازشریف نے اجلاس سے خطاب کرتے ہوئے کہا آپریشن ضرب عضب سے دہشت گردوں کا انفراسٹرکچر تباہ اور نیٹ ورک ٹوٹ چکے ہیں۔ ملک کے کونے کونے سے دہشت گردوں کو ختم کریں گے اور دہشت گردی کے خلاف جنگ ہر قیمت پر منطقی انجام تک پہنچائیں گے۔
پاکستان اس وقت دہشت گردی کی ایک نئی لہر کی زد میں ہے جس پر ہر پاکستانی ملک کی سلامتی و مستقبل سے متعلق غمزدہ ،پریشان اور متفکر ہے ۔ پاکستان میں دہشت گردی و انتہا پسندی ایک ناسور بن چکی ہے اور ہر روز مار دھاڑ کی خبروں کو دیکھ دیکھ کر دل آزدہ ہو جاتا ہے. اور نئے سال کے ابتدائی 20 روز میں ملک بھر میں دہشت گردی کے مختلف واقعات میں ساٹھ بےگناہ اور معصوم افراد جاں بحق ہوچکے ہیں۔
ابتدائے عشق ہے روتا ہے کیا
کراچی میں ملٹری پولیس کے اہلکاروں پر دہشت گردانہ حملے نے ایک بار پھر خطرے کی گھنٹی بجا دی۔ پاک فوج کے سربراہ جنرل راحیل شریف نے کراچی میں شہید ہونے والے ملٹری پولیس اہلکاروں کو خراج تحسین پیش کرتے ہوئے کہا کہ دہشت گردی کی کارروائیوں کا مقصد ضرب عضب کی پیشرفت روکنا ہے۔تاہم ایسی کارروائیاں دہشت گردی کو جڑ سے اکھاڑ پھینکنے کے ہمارے قومی عزم کو کمزور نہیں کر سکتیں۔
انسدادِ دہشت گردی ڈپارٹمنٹ (سی ٹی ڈی) پنجاب نے خبردار کیا ہے کہ لاہور سمیت پنجاب کے مختلف شہروں میں پیرس طرز کے حملوں کا خطرہ ہے۔لاہور میں سی ٹی ڈی حکام نے بلدیاتی انتخابات کے دوسرے مرحلے کے لیے سیکیورٹی انتظامات کے حوالے سے میڈیا سے بات کرتے ہوئے کہا کہ داعش پنجاب بھر میں پیرس طرز کے حملے کرسکتی ہے ۔
عید کی آمد آمد ہے اور دنیا بھر کی طرح پاکستان میں بھی عید کی تیاریاں بڑے زور و شور سے کی جا رہی ہے۔ ہر سال پاکستان میں عید الفطر پورے مذہبی جوش و جذبے اور نہائیت مذہبی عقیدت و احترام کے ساتھ منائی جا تی ہے،مختلف شہروں میں نماز عید کے بڑے بڑے اجتماعات منعقد ہوتے ہیں جن میں پاکستان کی سلامتی، بقا اور خوشحالی کے لئے دعائیں مانگی جاتی ہیں۔
پاک فوج آئندہ ہفتوں میں دہشت گردی کے خلاف آپریشن ضرب عضب کوآخری دھکا لگانے کی تیاریاں کر رہی ہے۔ اب آپریشن ایک نئے مرحلے میں داخل ہوگیا ہے۔ پاک فوج کے مطابق شمالی وزیرستان اور فاٹا میں طالبان اور دیگر عسکریت پسندوں کے بڑے گڑھ میں ایک سال قبل جو آپریشن شروع کیا گیا تھا اسکا 90 فیصد کام مکمل ہوگیا ہے۔ مقامی افراد اور سکیورٹی فورسز کے مطابق اب وادی شوال میں فوج اپنی پوزیشنیں سنبھال رہی ہے۔ یہ اہم علاقہ افغانستان کی سرحد کے قریب واقع ہے اور یہ تحریک طالبان کا مرکز ہے۔
صوبہ خیبر پختونخوا کے دارالحکومت پشاور میں ڈپٹی کمانڈنٹ فرنٹیئر ریزرو پولیس (ایف آر پی) کی گاڑی پر خودکش حملے کے نتیجے میں 2 اہلکار ہلاک جبکہ ڈپٹی کمانڈنٹ سمیت 6 افراد زخمی ہوگئے۔ سینیئر سپرنٹنڈنٹ پولیس (ایس ایس پی) آپریشنز میاں سعید کے مطابق جمعرات کو پشاور کے علاقے حیات آباد فیز 5 میں ڈپٹی کمانڈنٹ فرنٹیئر ریزرو پولیس (ایف آر پی) ملک طارق کی گاڑی کو خود کش حملے کا نشانہ بنایا گیا جس کے نتیجے میں 2 اہلکار ہلاک جبکہ ملک طارق سمیت 6 افراد زخمی ہوگئے۔
آواز پاكستان 