کوئٹہ میں فائرنگ سے پانچ شیعہ ہزارہ ہلاک

کوئٹہ میں فائرنگ سے پانچ شیعہ ہزارہ ہلاک

پاکستان کے صوبہ بلوچستان کے دارالحکومت کوئٹہ میں نامعلوم افراد کی فائرنگ سے شیعہ ہزارہ برادری سے تعلق رکھنے والے پانچ افراد ہلاک ہوگئے ہیں۔

طالبان نے رانا شمشاد کے قتل کی ذمہ داری قبول کرلی

طالبان نے رانا شمشاد کے قتل کی ذمہ داری قبول کرلی

حکمران جماعت مسلم لیگ (ن) کے رکن صوبائی اسمبلی رانا شمشاد کے قتل کی ذمہ داری کالعدم تحریک طالبان پاکستان (ٹی ٹی پی) نے قبول کرلی ہے۔ٹی ٹی پی ترجمان محمد خراسانی نے پیرکو اپنے ایک بیان میں مسلم لیگ (ن) کے رکن صوبائی اسمبلی رانا شمشاد کے قتل کی ذمہ داری قبول کرنے کا دعویٰ کیا۔

لشکر اسلام کے ترجمان سمیت 30شدت پسند مارے گئے

لشکر اسلام کے ترجمان سمیت 30شدت پسند مارے گئے
خیبرایجنسی کی وادی تیراہ میں سیکیورٹی فورسز کی فضائی کارروائی میں کالعدم لشکر اسلام کے ترجمان سمیت 30شدت پسندمارے گئے ہیں جبکہ اسلحہ کے دوگودام بھی تباہ ہوگئے ہیں ۔
پاک فوج کے محکمہ تعلقات عامہ (آئی ایس پی آر) کے مطابق سپاہ کے علاقے میں فضائی کارروائی بدھ کی صبح کی گئی جس دوران 30شدت پسندمارے گئے جبکہ اُن کے متعدد ٹھکانے اور اسلحہ کے دوگودام تباہ ہوگئے ۔ سرکاری ذرائع کے مطابق کمپاﺅنڈ میں کالعدم تحریک طالبان کے امیر ملافض اللہ کی موجودگی کی اطلاعات تھیں ۔
نجی ٹی وی چینل کے مطابق مارے جانیوالے افراد میں کالعدم لشکر اسلام کے ترجمان صلاح الدین ایوبی بھی شامل ہے جس کی تصدیق لشکر اسلام نے بھی کردی ۔

واہگہ بارڈر خودکش حملہ میں 60 افراد جانبحق

واہگہ بارڈر خودکش حملہ میں 60 افراد جانبحق
لاہور میں واہگہ بارڈر پر خود کش دھماکے میں تین رینجرز اہلکاروں سمیت60؍ افراد شہید اور 175سے زائد زخمی ہوگئے، شہدأ میں ایک خاندان کے 8اور دوسرے کے5افراد، 12خواتین اور7بچے بھی شامل ہیں ، واہگہ بارڈر پر پریڈ اور پرچم اُتارنے کی تقریب کے بعد بڑی تعداد میں لوگ واپس جا رہے تھے کہ 20سالہ بمبار نے ہجوم میں گھس کر خود کو اُڑا لیا، دھماکے سے انسانی اعضاء بکھر گئے اور بھگدڑ اور چیخ و پکار مچ گئی، شہری اپنے پیاروں کو ڈھونڈتے رہے، درجنوں زخمیوں کی حالت انتہائی تشویشناک ہے ، خود کش حملہ اس جگہ کیا گیا جہاں رینجرز اہلکار کھڑےتھے، دھماکے سے مارکیٹ کی کئی دکانوں میں آگ لگ گئی جبکہ واہگہ بارڈر چیک پوسٹ اور کسٹمز عمارت کو نقصان پہنچا، خود کش دھماکے کیلئے 5کلو سے زائد بارودی مواد اور بال بیرنگ استعمال کئے گئے ، سانحہ کے بعد ملک بھر میں سوگ کی فضاء ہے ۔

مہمند ایجنسی میں 3 پولیو ورکرزجاں بحق

مہمند ایجنسی میں 3 پولیو ورکرزجاں بحق
مہمند ایجنسی کی تحصیل صافی میں بارودی سرنگ میں دھماکے کے نتیجے میں 3پولیو ورکرز جاں بحق اور 2شدید زخمی ہوگئے۔ پولیو ورکرز معمول کی مہم میں بچوں کو پولیو کے قطرے پلا رہے تھے کہ اسی دوران ایک بارودی سرنگ پر پائوں پڑنے سے زور دار دھماکہ ہوگیا جس کے نتیجے میں 3پولیو ورکرز جاں بحق اور ایک شدید زخمی ہوگیا جسے طبی امداد کے لئے مقامی ہسپتال میں داخل کرا دیا گیا ہے۔

کوئٹہ خود کش دھماکے میں 6افراد جاں بحق

کوئٹہ خود کش دھماکے میں 6افراد جاں بحق

ہزارہ ٹاؤن کے علاقے علی آبادمیں خود کش دھماکے کے نتیجے میں 6افراد جاں بحق ہو گئے ہیں جن میں ایک عورت اور بچہ بھی شامل ہیں جبکہ ریسکیو ذرائع کا کہنا ہے کہ واقعے میں ایک خاتون اور 5بچوں سمیت 30افراد زخمی بھی ہوئے ہیں جبکہ تین زخمیوں کی حالت تشویش ناک بتائی جا رہی ہے۔ کمانڈنٹ ایف سی کا کہنا ہے کہ خود کش حملہ آور کا سر مل گیا ہے اور بظاہر اس کا تعلق جنوبی پنجاب سے معلوم ہوتا ہے جس کی عمرہ سترہ سال کے لگ بھگ تھی جبکہ اس دھماکے میں 8کلو تک بارود استعمال کیا گیا تھا۔ ذرائع کا کہنا ہے کہ یہ دھماکہ علاقے میں واقع ایک گرلز سکول کےقریب واقع شاپنگ سینٹر کےباہر ہوا جہاں لوگ عید کی خریداری میں مصروف تھے تو ایک خود کش حملہ آور نے شاپنگ سینٹر کے اندر جانے کی کوشش کی مگر ناکامی پر خود کو باہر ہی دھماکے سے اڑا دیا جبکہ جاں بحق ہونے والوں کی تعداد میں اضافے کا بھی خدشہ ہے۔